कार्तिक १९, सिरहा, विनोद ठाकुर । 
आईतवार सिरहाको कल्याणपुर नगरपालिका गुन्जायमान रहयो, डा. सिके राउत जिन्दाबाद, चिकना बजार भरिभराउ थियो राउत लाई हेर्न र कुरा गर्न । केही क्षणमै जनमत पार्टीका केन्द्रिय अध्यक्ष डा. राउतको इन्ट्री हुन्छ त्यसपछि त थप रंगमन्च रंगिन्छ। सिरहाबासीको प्रेमजालमा परेको आभाष डा.राउतलाई झनै बढी महशुस तब भयो, जब स्थानीयले ३१ किलोको फुलमाला लगाईदिए। 
एमालेका प्रकाश महासेठ र जसपा नेपालका जितेन्द्र महत्तो सहित हजार भन्दा बढी नेता कार्यकर्ता र स्थानीय जनमत पार्टीमामा प्रवेश गरेको छ । आईतबार सिरहाको कल्याणपुर नगरपालिकाको वडा नं. ५ चिकना बजारमा भएको बृहत पार्टी प्रवेश तथा आम सभामा उनीहरु जनमतमा प्रवेश गरेका छन । पार्टीका अध्यक्ष डा. सिके राउतले फुलमाला र अवीर लगाइ जनमतमा भित्रयाएका छन । त्यस्तै मधेश प्रदेशका पुर्व राज्यमन्त्री संजय यादब र पार्टीका केन्द्रिय नेताहरुले फुलमाला र अवीर लगाई उनीहरुलाई बधाई दिदैँ स्वागत गरेका थिए । उक्त बृहत पार्टी प्रवेश कार्यक्रमलाई सम्बोधन गर्दै पार्टीका अध्यक्ष राउतले आफु र जनमत पार्टी सदैव जनताको साथमा रहेको बताउनुभयो । उहाँले मधेश र देशका जनताको लागी आफु जहिले पनि ज्यान दिन तयार रहेको बताउदै सिरहाबासीकै सहयोगमा जनमत आज देशको प्रिय र सबैको पार्टी बनेकोमा सबैलाई धन्यबाद दिए । 
उक्त पार्टी प्रवेश कार्यक्रममा पार्टीका केन्द्रिय नेताहरुले मन्तव्य राख्दै आगामी २०८४ को चुनावमा जनमत पार्टीलाई देशको शीर्ष स्थानमा पुरयाउँदै आगामी प्रधानमन्त्री डा. सिके राउत नै हुने दाबी गर्नुभयो । त्यसैले जबसम्म उहाँ प्रधानमन्त्री बन्नुहुन्न तबसम्म देश र जनताको कल्याण नहुने बताउँदै सम्पूर्ण जनतालाई आगामी चुनावको लागी तयार रहन आग्रह गर्नुभयो । 
त्यस्तै पार्टीका प्रवक्ता डा. शरदसिँह यादबले दिपावली, छठ तथा सामा चकेवको शुभकामना मन्तब्य ब्यक्त गर्दै सिरहाबासीलाई सुस्वास्थय, दीर्घआयुको कामना गर्नुभयो । कार्यक्रममा स्थानीयहरुले ३१ किलोको फुलको माला लगाई कल्याणपुरमा भब्य स्वागत गरेका थिए । उक्त पार्टी प्रवेश कार्यक्रममा बिभिन्न राजनिति दलका नेता कार्यकर्ता, सुरक्षकर्मी, कल्याणपुर नगरपालिकाको वडा नं. ९ का वडा अध्यक्ष बिनोद कुमार यादब लगायत हजारौ स्यानीयहरुको सहभागिता रहेको थियो । त्यस्तै कार्यक्रमलाई सिरहा जिल्ला इन्र्चाज बिनोद यादबले गरेका थिए भने उदघोषण विद्यार्थी नेता अरबिन्द सहनीको रहेको जानकारी जनमत पार्टीका अर्का विद्यार्थी नेता दीप कुमार यादबले दिनुभयो । ...............
                                    

6 महीना पहिले    262 Post Views